Кіраванне аўтамабілем у Паўднёвай Карэі

Даследаваць востраў Чэджу ў Паўднёвай Карэі значна зручней аўтамабілем. Дзялюся досведам.

1. Нельга паварочваць налева на зялёны! Большасць святлафораў чатырохсекцыйныя, з абавязковай стрэлкай налева. Калі гарыць стрэлка, перашкод няма. Гэта зручна: менш думаеш пра арганізацыю руху, менш імавернасць памыліцца.

Як у нас паварочваць налева на зялёны, саступаючы сустрэчнаму руху, можна толькі калі побач са святлафорам ёсць такі знак:

2. Можна паварочваць направа на чырвоны, саступаючы ўсім, як у ЗША. Праз пару дзён прывыкаеш і кайфуеш, асабліва на пустых вуліцах.

Рэдка на святлафоры трапляецца асобная стрэлка направа, тады трэба чакаць яе. Знак кажа, што паварот направа на чырвоны забаронены:

3. На буйных дарогах заўсёды ёсць асобная паласа для павароту налева, таму ехаць у левым шэрагу камфортна:

4. Часам перад скрыжаваннем няма святлафора, толькі за ім. Гэта нязвыкла. Выязджаючы на скрыжаванне, мозг лічыць, што яно нерэгуляванае, а святлафор насамрэч ёсць. Але такое рэдкасць.

5. У Карэі стрэлка, намаляваная на асфальце, толькі паказвае магчымасць, але не абмяжоўвае іншыя дзеянні. Забароненыя дзеянні яны паказваюць асобнай перакрэсленай стрэлкай.

Да гэтай сістэмы я прывык, але яна нязручная: паказваць толькі дазволеныя напрамкі значна больш відавочна.

6. Да чаго я не прывык, дык гэта да прыярытэту на скрыжаваннях без святлафораў і знакаў. У такіх выпадках прыярытэт у таго, хто прыехаў першым, або ў таго, у каго дарога большая. І толькі пры іншых роўных умовах трэба саступаць перашкодзе справа.

7. У гарадах і побач са славутасцямі шмат платных парковак. Каштуюць 1-2 $, але часта даюць бясплатныя 10-30 хвілін.

Платна нават каля супермаркета, але калі адсканаваць чэк з пакупкамі ад 10 $, будзе бясплатна:

Побач з платнай паркоўкай часта ёсць бясплатная альтэрнатыва. Напрыклад, гэтая паркоўка дзеліцца на платную і бясплатную часткі. Нам давялося заплаціць за няўважлівасць:

8. Кіраванне спакойнае, хуткасць абмежаваная 50-70 км/г. На практыцы на вялікіх дарогах людзі ездзяць хутчэй, тармозячы перад камерамі. Шмат школьных зон з абмежаваннем 30, там часта стаяць камеры, і ўсе строга выконваюць абмежаванне.

9. Google Maps не працуе для навігацыі. Больш за ўсё спадабаўся Naver. Ён папярэджвае пра камеры, у тым ліку пра камеры сярэдняй хуткасці, і сам яе лічыць. Ёсць падтрымка CarPlay:

10. Электразарадкі паўсюль, таму можна смела браць электрамабіль. На невялікім востраве поўнага зараду хопіць надоўга. Мы бралі Kia Niro ў Lotte rent-a-car. Разам з машынай даюць пластыкавую картку для электразарадак з неабмежаваным карыстаннем.

Калі машына зараджаецца, файна паказваецца працэнт зараду:

16‒26 верасня 2023